Ingurumen Eraginaren Ebaluazioa

Zabaldutako informazioa

Ingurumenaren gaineko eraginaren ebaluazioa, Euskal Autonomia Erkidegoko Ingurugiroa Babesteari Buruzko 3/1998 Lege Orokorreko I eranskinean dauden proiektuak gauzatzean ingurugiroan sor daitezkeen eraginak balioetsi eta zuzentzeko aukera ematen duten azterketa eta sistema teknikoen multzoa da.

GIRO2n Ingurumen Eraginaren Ebaluazioak prestazten ditugu, Europako Ingurumen-Inpaktuaren Legeetan (85/337/EB Zuzentaraua, 97/11/EB Zuzentarauak eraberritua) eta Euskal Autonomia Erkidegoko Ingurugiroa Babesteari Buruzko 3/1998 Lege Orokorrean ezarritakoa kontuan hartuz. Legediarekin erlazionatutako gaietan aholkua eta argibidiea ere eskeintzen dugularik. Ingurumenaren eraginaren ebaluazioek ondokoa bermatuko dute:

• Plangintzako lehen faseetan ingurumenean izango diren eraginen analisia sartzea (jarduera desberdinen eragin metagarri eta sinergikoak kontuan hartuz);
• Proiektuaren alternatiba egokiak kontuan hartzea;
• Ingurugiro eraginaren arriskua txikiagotuko duten neurri zuzengarrien zehaztea;
• Sustatzaileari, proiektuak ingurumenean eduki dezaken eraginak baloratzeko behar diren ingurumen-kalitateko irizpideen berri ematea;
• Arlo publiko eta pribatuen parte hartzea erraztea - hauen ideiak eta usteak emaitzean barneratzea;
• Ebaluazio emaitzen eta zehaztutako neurri zuzengarrien jarraipen bat egitea.

GIRO2k sustatzaile eta eskudun autoritateekin zuzeneko erlazioa mantenduz prestatzen ditu ingurumen eraginaren ebaluazioak. Dokumentuak ondoko atal nagusietan oinarritzen dira:

• Proiektuaren eta horretatik ondorioztatzen diren ekintzen deskribapena;
• Alternatiben laburpena eta onartutako soluzioaren justifikazioa;
• Ingurumen-inbentarioa eta elkarrekintza nagusien deskribapena, ondoko gaien inpaktuak kontuan hartuz:
  • Gizartea eta ekonomia (Egitura Ondarea barne)
  • Ekologia (Flora eta Fauna)
  • Geologia eta Lurra
  • Hidrologia
  • Klima eta Aire kutsadura
  • Paisaia eta Balio Bisuala
  • Arkeologia eta Kultura Ondarea
• Proposaturiko hautabidearen eraginen identifikazioa eta balorazioa;
• Neurri zuzengarrien eta erreduzitzaileen ezartzea;
• Ingurugiroa zaintzeko programa;
• Sintesi-dokumentua.